2Sa 22:2-32 | SwhNEN | STEP | Akasema: “ Bwana ni mwamba wangu, ngome yangu na mwokozi wangu,

2 Samuel 22:2-32

2 ^aAkasema:

“Bwana ni mwamba wangu,
ngome yangu na mwokozi wangu,
3 ^bMungu wangu ni mwamba wangu,
ambaye kwake ninakimbilia,
ngao yangu na pembe ya wokovu wangu.
Yeye ni ngome yangu, kimbilio langu
na mwokozi wangu,
huniokoa kutoka kwa watu wenye jeuri.
4 ^cNinamwita Bwana, anayestahili kusifiwa,
nami ninaokolewa kutoka kwa adui zangu.

5 ^d“Mawimbi ya mauti yalinizunguka,
mafuriko ya maangamizi yalinilemea.
6 ^eKamba za kuzimu ^{▼▼Kuzimu kwa Kiebrania ni Sheol, maana yake ni Shimo lisilo na mwisho.} zilinizunguka,
mitego ya mauti ilinikabili.
7 ^gKatika shida yangu nalimwita Bwana,
nilimlilia Mungu wangu.
Kutoka Hekaluni mwake alisikia sauti yangu,
kilio changu kikafika masikioni mwake.

8 ^h“Dunia ilitetemeka na kutikisika,
misingi ya mbingu ikatikisika,
vilitetemeka kwa sababu
alikuwa amekasirika.
9 ⁱMoshi ukapanda kutoka puani mwake,
moto uteketezao ukatoka kinywani mwake,
makaa ya moto yawakayo
yakatoka ndani mwake.
10 ^jAkazipasua mbingu akashuka chini,
mawingu meusi yalikuwa chini ya miguu yake.
11 ^kAlipanda juu ya kerubi akaruka,
akapaa juu kwa mbawa za upepo.
12 ^lAlifanya giza hema lake la kujifunika:
mawingu meusi ya mvua ya angani.
13 ^mKutokana na mwanga wa uwepo wake
mawingu yalisogea,
ikanyesha mvua ya mawe
na umeme wa radi.
14 ⁿ Bwana alinguruma kutoka mbinguni,
sauti ya Aliye Juu Sana ilisikika.
15 ^oAliipiga mishale na kutawanya adui,
umeme wa radi na kuwafukuza.
16 ^pMabonde ya bahari yalifunuliwa,
na misingi ya dunia ikawa wazi
kwa kukaripia kwake Bwana,
kwa uvumi wa pumzi kutoka puani mwake.

17 ^q“Alinyoosha mkono kutoka juu na kunishika;
alinitoa kutoka kilindi cha maji makuu.
18 ^rAliniokoa kutoka adui wangu mwenye nguvu nyingi,
kutoka adui zangu waliokuwa na nguvu nyingi kuliko mimi.
19 ^sWalinikabili siku ya msiba wangu,
lakini Bwana alikuwa msaada wangu.
20 ^tAlinileta nje mahali penye nafasi tele,
akaniokoa kwa kuwa alipendezwa nami.

21 ^u“Bwana alinitendea sawasawa na uadilifu wangu;
sawasawa na usafi wa mikono yangu amenilipa.
22 ^vKwa maana nimezishika njia za Bwana;
sijatenda ubaya nikamwacha Mungu wangu.
23 ^wSheria zake zote zi mbele yangu,
wala sijayaacha maagizo yake.
24 ^xNimekuwa sina hatia mbele zake,
nami nimejilinda nisitende dhambi.
25 ^y Bwana amenilipa sawasawa na uadilifu wangu,
sawasawa na usafi wangu machoni pake.

26 ^z“Kwa yeye aliye mwaminifu unajionyesha kuwa mwaminifu,
kwa asiye na hatia unajionyesha kutokuwa na hatia,
27 ^aa ^abkwa aliye mtakatifu unajionyesha kuwa mtakatifu,
lakini kwa aliyepotoka unajionyesha kuwa mkaidi.
28 ^acWewe huwaokoa wanyenyekevu,
lakini macho yako ni juu ya wenye kiburi
ili uwashushe.
29 ^adWewe ni taa yangu, Ee Bwana.
Bwana hulifanya giza langu
kuwa mwanga.
30 Kwa msaada wako naweza kushinda jeshi,
nikiwa pamoja na Mungu wangu
nitaweza kuruka ukuta.

31 ^ae“Kuhusu Mungu, njia yake ni kamilifu;
neno la Bwana halina dosari.
Yeye ni ngao kwa wote
wanaokimbilia kwake.
32 ^afKwa maana ni nani aliye Mungu
zaidi ya Bwana?
Ni nani aliye Mwamba
isipokuwa Mungu wetu?